AFFA-dan 4 kluba maliyyə yardımı

AFFA-dan 4 kluba maliyyə yardımı

Bu gün AFFA-nın İcraiyyə Komitəsinin videokonfrans formatında fövqəladə iclası keçirilib.

Sport7.az xəbər verir ki, aparılmış müzakirələrdən sonra aşağıdakı qərarlar qəbul olunub:

1. "Qəbələ” və "Zirə” klublarının müraciətinə əsasən, Azərbaycan Premyer Liqasının 2020/2021-ci il mövsümündə iştirakla əlaqədar AFFA əyalət təmsilçisinə 1 500 000 (bir milyon beş yüz min), qəsəbə klubuna isə isə 500 000 (beş yüz min) AZN maliyyə yardımı göstərilsin.

2. İclasın gedişində irəli sürülən təklif əsasında Azərbaycan Premyer Liqasının 2020/2021-ci il mövsümündə iştirakla əlaqədar "Sumqayıt” klubuna 300.000 min (üz yüz min), "Səbail” klubuna isə 200.000 (iki yüz min) AZN maliyyə yardımı göstərilsin.

3. Maliyyə yardımı ayrılmış bütün klublar uşaq futbolu ilə bağlı layihələrini davam etdirməklə bağlı öhdəliyi qəbul etsin.

4. AFFA qeyd olunmuş klublara ayrılan maliyyə vəsaitinin audit yoxlamasının aparılması səlahiyyətini özündə saxlayır.

5. AFFA qeyd olunmuş klublara ayrılan maliyyə vəsaitinin sərf olunacağı proritet istiqamətin uşaq və gənclər futbolu olmasını, həmçinin məvaciblərin süni şəkildə artırılmaması şərtilə əsas komandaların heyətində gənclərdən ibarət milli komandalara potensial namizədlərə yer verilməsini tövsiyə edir.

6. AFFA  ötən mövsümlərdə Birinci Divizionda iştirakla bağlı maliyyə yardımı göstərilən klublara eyni qaydada növbəti mövsüm üçün də maliyyə yardımı etsin.
 
Sport7.az

OXŞAR XƏBƏRLƏR

XƏBƏRLƏR
BLOGLAR