Alman polisi futbolçunun evinə girdi

Alman polisi futbolçunun evinə girdi

Almaniya polisi "Hamburq" klubunun futbolçusu Bakeri Cattanın evinə girib. 

Sport7.az xəbər verir ki, bu haqda "Bild" nəşri məlumat yayıb. 22 yaşlı qambiyalı yarımmüdafiəçi yaşayış icazəsi üçün saxta sənədlər təqdim etməkdə şübhəli bilinir. 

2019-cu ilin istintaqında "Bild" Cattanın şəxsiyyətini şübhə altına alıb. Onun noyabrda 25 yaşı tamam olan Bakari Daffe olduğu irəli sürülüb. Hamburq polisi sentyabrda etibarlı məlumatın olmaması səbəbindən məsələ ilə əlaqədar istintaqı başa çatdırıb. Nəşr həmin ay Cattanın 2015-ci ildə Bremenə gələrkən özünü Daffe kimi tanıtdığını bildirib. Bremen polisi məsələ ilə bağlı araşdırma başladıb, lakin sonradan istintaq bağlanıb. 

Catta 2016-cı ildən "Hamburq"un futbolçusudur. O, Qambiyada valideynsiz böyüdüyünü və 2015-ci ildə qaçqın böhranı zamanı Almaniyaya gəldiyini söyləyib. Yarımmüdafiəçi bu mövsüm II Bundesliqada 31 oyun keçirib və 4 qol vurub. 
 
Sport7.az

OXŞAR XƏBƏRLƏR

XƏBƏRLƏR
BLOGLAR