Arda Turanla Falkao Bakıya gələcək

Arda Turanla Falkao Bakıya gələcək

"Qalatasaray"ın Avropa Liqasının 2-ci təsnifat mərhələsində "Neftçi"yə qarşı keçirəcəyi oyun üçün Bakıya gələn heyəti açıqlanıb. 

Sport7.az xəbər verir ki, bu haqda İstanbul təmsilçisinin rəsmi "Twitter" hesabında yazılıb. Baş məşqçi Fatih Terim siyahıya 20 oyunçu daxil edib.

2013-cü il aprelin 29-da İspaniya "Atletiko"sunun tərkibində "Bakı" klubunun dəvəti əsasında Azərbaycan paytaxtına səfər etmiş Arda Turan və Radamel Falkao da heyətdə yer alıb. Əvəzində UEFA-ya sifariş olunan 23 oyunçudan ibarət siyahıdan Oqenekaro Etebo, Yunus Akgün və Ali Yavuz Kol çıxarılıb. 

45 nəfərdən ibarət nümayəndə heyəti bu gün Bakı vaxtı ilə saat 12:00-da İstanbuldan çarter reysli təyyarə ilə yola düşəcək. Saat 18:00-da Terimin mətbuat konfransı, 18:30-da isə "Qalatasaray"ın ilk 15 dəqiqəsi mətbuat üçün açıq olan məşqi nəzərdə tutulub. 

Sentyabrın 17-də Bakı Olimpiya Stadionunda keçiriləcək "Neftçi" - "Qalatasaray" matçı saat 21:00-da başlanacaq.
 
Sport7.az

OXŞAR XƏBƏRLƏR

XƏBƏRLƏR
BLOGLAR