Avropa Liqası: "Ən yaxşı" adına 3 namizəd

Avropa Liqası:
Avropa Liqasında 2017/18 mövsümünün ən yaxşı futbolçusu adına namizədlər açıqlanıb.

Sport7.az xəbər verir ki, bu barədə UEFA-nın rəsmi saytı məlumat yayıb. 

Turnirin ən yaxşı oyunçusu adına 3 namizəd var. 

Bunlardan ikisi Avroliqanın son qalibi Madrid "Atletiko”sunun üzvləri – müdafiəçi Dieqo Qodin və hücumçu Antuan Qrizmanndı. Digər namizəd isə bu turnirin finalında İspaniya klubuna məğlub olmuş Marsel "Olimpik”inin yarımmüdafiəçisi Dmitri Payetdi.

Səsvermə ötən mövsüm qrup mərhələsində iştirak etmiş 48 komandanın baş məşqçiləri və Avropa İdman Nəşriyyatı Assosiasiyası tərəfindən seçilmiş 55 jurnalist arasında aparılacaq. 

Qeyd edək ki, qalibin adı isə avqustun 31-də keçiriləcək Avroliqanın qrup mərhələsinin püşkatma mərasimində açıqlanacaq.
 
Sport7.az

Xəbər lenti