"Azərbaycan millisi bizə simpatiya hissləri yaşadan komandadı" - Çex futbolçu

Çexiya yığmasının üzvü Marek Suşi Azərbaycanla oyundan öncə baş tutan mətbuat konfransında fikirlərini bildirib.
 
Sport7.az xəbər verir ki, o bunalrı söyləyib.
 
"Bizim öz məqsədimiz var. Meydana qələbə üçün çıxacağıq. Azərbaycan yığması haqda məlumatlarımız var, müsbət fikirdəyik. Buna baxmayaraq, maksimum xal toplamaq, özümüzü yaxşı tərəfdən göstərmək istəyirik. Azərbaycan millisi bizə simpatiya hissləri yaşadan komandadı. Rəqibin kapitanı Rəşad Sadıqovu millidə bu qədər oyun keçirdiyinə görə təbrik edirik. Ona böyük hörmətlə yanaşırıq. Millidə 110 oyun keçirib”.
 
- Çexiyadakı oyunda millimizlə heç-heçə oynamışdınız. Bakıya həmin xal itkisinin revanşını almaq üçün gəlmisiz?
 
- Düzdü, həmin görüşdə xal itkisi ilə üzləşmişdik. Hazırda mundiala çıxmaq şansımız qalmayıb. Bununla belə, bizim üçün millidə oynamaq böyük fəxrdi. Sabahkı matça gəlincə, revanş deməzdim. Amma bizə xallarımızın sayını artırmaq lazımdı. Buna görə də, meydana qələbə üçün çıxacağıq.
 
- Hər iki komandanın dünya çempionatının final mərhələsinə çıxmaq şansı qalmayıb. Maraqlıdı, siz özünüzü sabahkı matça necə kökləmisiz?
 
- Qarşıya qoyulan məqsədə çata bilmədik. Buna baxmayaraq, hər oyuna maksimum güclə hazırlaşırıq. Bacardığımız qədər çox xal toplamalıyıq. Özümüzü yüksək səviyyədə göstərməliyik. Psixoloji cəhətdən heç bir problemimiz yoxdu. (apasport)
 
Sport7.az

Xəbər lenti