Azərbaycanlı hakim vəfat etdi

Azərbaycanlı hakim vəfat etdi

Furbol üzrə Ümumittifaq dərəcəli hakim, "Azərbaycan Respublikasının Fəxri Bədən Tərbiyəsi və İdman İşçisi” və "Azərbaycan Respublikasının Əməkdar Bədən Tərbiyəsi və İdman Xadimi” Adil Həbib oğlu Ağayev ömrünün 74-cü ilində vəfat edib.

Sport7.az xəbər verir ki, Ağayev 1947-ci il mart ayının 24-də Bakı şəhərində anadan olub. O, 1973-cü ildə Azərbaycan Dövlət Bədən Tərbiyəsi İnstitutunu bitirib.

Mütəxəssis 1975-1977-ci illərdə Bədən Tərbiyəsi və İdman Komitəsində, 1978-1980 və 1992-1995-ci illərdə Qaradağ Rayon Gənclər və İdman İdarəsində, 1980-1989 –cu illərdə Səttarxan adına (keçmiş Leytenant Şmidt) zavodun İdman klubunda, 1995-ci ildən 2017-ci ilə qədər Bakı şəhər Gənclər və İdman Baş İdarəsində məsul vəzifələrdə çalışmışdır.

Adil bəy istər Azərbaycan gəncliyinin sağlam böyüməsi, yeni nəslin yetişdirilməsi proseslərində, istərsə də respublika səviyyəli idman hərəkatında tədbirlərin, xüsusilə futbol idman növünün təbliği və keçirilməsində əvəzsiz rolu olmuşdur. 
 
Sport7.az

OXŞAR XƏBƏRLƏR

XƏBƏRLƏR
BLOGLAR