Bakı 2017: Azər Məmmədli İslam Oyunlarındakı çıxışlarımıza yekun vurdu

Bakı 2017: Azər Məmmədli İslam Oyunlarındakı çıxışlarımıza yekun vurdu
Bakıda keçirilən IV İslam Həmrəyliyi Oyunlarında ağır atletika yarışları başa çatıb. 

Sport7.az xəbər verir ki, körpücük üzərində 21 ölkədən ümumilikdə 130 atlet çıxıb. Onlardan 51-i qadın, 79-u isə kişidir. Azərbaycan yığma komandası yarışa tam heyət – 16 nəfərlə (8 qadın və 8 kişi) qatılıb.

Artıq son çəki dərəcəsində də yarışlar başa çatıb. Körpücük üzərinə çəkisi 105 kq-dan çox olan atletlər çıxıblar. Yığmamızın üzvlərindən Azər Məmmədli də bu qrupda medal mübarizəsinə qoşulub.

Atletimiz birdən qaldırma hərəkətində 168 kq-ı ram edib. O, təkanla qaldırma hərəkətində 211 kq-ı başı üzərinə qaldırıb.

Toplam 379 kq (168+211) nəticə ilə Azər Məmmədli bu çəki dərəcəsində 5-ci yeri tutub.

Bu çəkidə qızıl medala toplam 431 kq (193+238) nəticə ilə özbəkistanlı Rüstəm Canqabayev sahib çıxıb.

Gümüş medalı toplam 414 kq (188+226) nəticə ilə iranlı Humayun Teymuri, bürüncü isə toplam 399 kq (181+218) nəticə ilə daha bir iranlı Ramin Rabifaradi qazanıb.

Sport7.az

Xəbər lenti