DÇ 2018: Neymara niyə nifrət etməyi xoşlayırlar?

DÇ 2018: Neymara niyə nifrət etməyi xoşlayırlar?
05 İyul 2018, 14:11
05 İyul
2018
14:11
152
Ötən həftə Soçidə keçirilən Almaniya ilə İsveç arasında həyəcanlı matçın sona çatmasını elan edən polşalı hakim Szymon Marciniak fit çalarkən, sosial şəbəkələrdə fəallıq kəskin şəkildə artmışdı.

Almaniya oyunçusu Tony Kroos-un adı yalnız onun 95-ci dəqiqədə vurduğu həlledici qolla bağlı qeyd olunmurdu.

Şəbəkələrdə həmçinin Kroos-u "Neymar kimi ağlamadığına" görə tərifləyirdilər.

Bundan bir gün əvvəl Braziliya futbolçusu Kosta-Rika ilə Sankt-Peterburqda keçirilən matçda ağlamışdı.
 


Braziliyalı azarkeşlər daha az rəğbətli şərhlər yazanlar arasında idi.

Bunlar Neymarın DÇ 2018-dəki çətin vəziyyətini ön plana çəkir: Hazırkı FİFA yarışmasında hamının ona nifrət etməkdən xoşu gəlir.

Çempionata maraq göstərənlər ötən həftə Neymara qarşı ünvanlanan istehza dolu tənqidi memlərə yəqin rast gəliblər.

Belə təəssürat yaranır ki, o, cərimə qazanmaq üçün asanlıqla yıxılmağa hazırdır və bu məqam şərhlərdə xüsusilə qeyd olunur.

Rio-de-Janeyrodakı barlardan biri elan edib ki, Serbiya ilə oyun vaxtı Neymar "hər dəfə yerə sərilən" kimi müştərilərinə pulsuz içki verəcək.
 


Ötən ilin noyabr ayında Fransanın Paris St. Germain klubu braziliyalı futbolçuya görə Barselonaya 200 mln dollar ödəyib. Bu, Neymarı dünyanın ən bahalı futbolçusuna çevirib.

Son ödəniş onsuz da 26 yaşlı futbolçunu dəbdəbəli həyat tərzinə görə qınayanların diqqətini bir daha cəlb edib.

Əlbəttə, Neymar futbolçular arasında yeganə milyonçu deyil. Öz həyat tərzini nümayiş etdirən idmançı, misal üçün, xüsusi təyyarəsinin salonundan çəkdiyi şəkilləri paylaşmaqdan çəkinmir.

Sosial mediada həmçinin Neymarın kəmhövsələ tərəfini də görmək olar: Meydançada ağlaması ilə bağlı şərhlərə reaksiya verən futbolçu İnstagram-ında öz tənqidçilərini boşboğazlıqda təqsirləndirib: "Tutuquşlar da danışa bilir".

Kosta-Rikaya qarşı oyunda braziliyalı etiraz etdiyinə görə sarı kart aldı. Videotəkrarda onun müəyyən simulyasiya yol verdiyi üzə çıxandan sonra isə hətta meydançadan kənarlaşdırıla bilərdi.

Neymar tez-tez yerə yıxılmaqda təqsirləndirilir.
 

Lakin bütün bunlar həlledici məqamı kölgələyə bilməyib: Kosta-Rikanın qapısına keçirdiyi topla Neymar 56-cı qoluna imza atıb və bununla da o, Braziliya tarixində ən çox qol vuran sayca 3-cü futbolçu olub.

O, həmçinin hazırda oynayan Braziliya futbolçuları arasında ən çox qol sahibidir. Bundan əvvəl bu yeri 1994-cü ildəki Dünya Çempionatının qalibi Romario tutub.

Braziliyalı futbolçu öz həmkarını qınayanlardan birdir.

"Sən indiyədək bu Dünya Kubokunda nə bildiyini, nə də ki, bacara biləcəyini hələ ki, nümayiş etdirməmisən, lakin mən inanıram ki, sən bunu bacaracaqsan", - Romario cümə günü İnstagramda yazıb.
 

1970-ci ildə Dünya çempionu olan Braziliya komandasının üzvü, ölkənin ən mötəbər futbol mütəxəssislərindən Tostao ehtiyat edir ki, Neymarın ani hirsə qapılması onun başını bəlaya sala bilər.

Braziliya-Serbiyaya matçında Neymar kart alarsa, o, növbəti oyunu buraxmalı olacaq.

"O, şikayət və kürlüyünü davam etdirir. Onun daha çox kart alacağı riski mövcuddur," Tostao deyir.

Digər tərəfdən futbol eksperti Neymarı müdafiə edir.

"Məni meydança xaricində baş verənlərdən daha çox onun meydançadakı reaksiyaları narahat edir. Məşhurların çoxu kimi Neymar da ulduz şuxundan həzz alır. Ona qarşı tənqidlərdə şişirtmələri görmək olar".
 


Problem budur ki, Neymarın heç bir addımı diqqətdən yayınmır.

Onun ağlamasını götürək: Kosta-Rika ilə oyundan sonra bu məsələ psixoloq və hətta bədən dili üzrə mütəxəssislərin iştirakı ilə geniş müzakirə edilib.

Onların hamısı futbolçunun göz yaşlarının səbəbini bir cür yozublar.

Müzakirələrə hətta korrupsiya ittihamları ilə bağlı həbs cəzası çəkən sabiq prezident Luis Inacio Lula da Silva da qatılıb.

"Neymarın ağlaması onun psixoloji vəziyyətini ortaya qoyur", - öz fikrini yazılı şəkildə Braziliyanın idman kanalına göndərən cənab Lula bildirib.(BBC)
 
Sport7.az
Sport7.Az

Xəbər lenti

BÜTÜN XƏBƏRLƏR

Digər xəbərlər