Çempionlar Liqası və Avropa Liqasının finalı azarkeşsiz keçirilə bilər

Çempionlar Liqası və Avropa Liqasının finalı azarkeşsiz keçirilə bilər

UEFA Çempionlar Liqası və Avropa Liqasının final oyunlarını azarkeşsiz keçirəcək. 

Sport7.az xəbər verir ki, bu barədə "The İndependent" məlumat yayıb.
 
Nəşrin yazdığına görə, qitə futbol qurumu artıq hər iki final görüşünün azarkeşsiz olacağı ilə bağlı qərar çıxarıb. Bu gün UEFA 55 ölkədən üzv olan milli assosiasiyalarla növbəti video-konfrans keçirəcək. Konfransadək cari mövsümün taleyi ilə bağlı ətraflı müzakirələrin aparıldığı və bütün tərəflərin İngiltərədən gələn təkliflə razılaşdıqları bildirilir. Həmin təklif isə budur ki, hazırkı mövsüm mütləq başa çatdırılmalıdır. 

UEFA böhranın həlli üçün liqaların logistikası və maliyə məsələləri üzrə olmaqla, iki İşçi Qrup yaradıb. Onlara tövsiyə olunub ki, mövsümü başa çatdırmaq üçün yaradıcı üsullar tapsınlar. Bu baxımdan, futbolun davam etdirilməsi üçün oyunların bağlı qapılar arxasında keçirilməsi də lazım gəlsə, qaçılmaz olacaq. 

Ona görə də qalan bütün avrokubok oyunlarının da boş tribunalar önündə keçiriləcəyi istisna edilmir. Bildirilib ki, UEFA 2019/2020 mövsümündə bütün yerli çempionatları və avrokubokları 2020/2021 mövsümü başlamazdan əvvəl bitirmək niyyətindədir. 

Qeyd edək ki, Çempionlar Liqasının finalı iyunun 27-də Türkiyənin İstanbul şəhərindəki Atatürk Olimpiya Stadionunda, Avropa Liqasının həlledici görüşü isə iyunun 24-də Polşanın Qdansk şəhərinin eyniadlı arenasında təşkil olunacaq. (Report.az)
 
Sport7.az 

OXŞAR XƏBƏRLƏR

XƏBƏRLƏR
BLOGLAR