İdmançımız İranda bürünc medal qazandı

İdmançımız İranda bürünc medal qazandı
Sablya üzrə yığmamızın üzvü Cavanşir Ağakişiyev İranın paytaxtı Tehranda keçirilən gənclər arasında Dünya Kubokunda bürünc medal qazanıb.

Sport7.az xəbər verir ki, qrupda keçirdiyi 6 görüşdən 4-nü qalib başa vuran Cavanşir 1/16 finalda Qazaxıstan təmsilçisi Bakdaulet Kuralbekulini 15:11 hesabı ilə məğlub edib.

1/8 finalda türkiyəli Umut Kaya üzərində 15:9 hesblı qələbə qazanan sablyaçımız, 1/4 finalda Honkonq idmançısı ZAU Jia Jin Kelvin Reylə görüşdən qalib ayrılıb. Ağakişiyev rəqibini 15:14 hesabı ilə üstəliyib. Yarımfinala yüksəlməklə Dünya Kubokunun bürünc medalını təmin edən qılıncoynadanımız belaruslu Maksim Pinçukla gərgin keçən görüşdə rəqibinə 13:15 hesabı ilə uduzub. Beləliklə, sablyaçımız Tehranda keçirilən gənc sablyaçıların Dünya Kubokunda bürünc medala sahib çıxıb.

Qrupda keçirdiyi 6 görüşdən 4-nü qalib başa vuran Xalid Əsədov isə Efran Şokouhiyə 10:15 hesabı ilə uduzub.
 
Sport7.az

Xəbər lenti