Qabil bəy Sport7.az-a açıqlamasında bunları söylədi: "Həmişəki qaydada hazırlaşmışıq. Qeyri-adi pankart filan olmayacaq. Xüsusən də pankart mənasında Avroliqada polislərə görə nəsə edə bilmirik. Hətta ənənəvi, "İmarət Tayfa"nın adı yazılan pankartı belə stadiona çətinliklə keçiririk. Ona görə də Avropadakı oyunlarda nəsə etmirik. bununla yanaşı oyuna təsir göstərməyə, stadiona tam tərkibdə gəlməyə çalışırıq. Xüsusən son vaxtlar bəziləri deyir ki, "Qarabağ" baxımlı oyun nümayiş etdirmədiyinə görə boykot etmişik. Halbuki son günlərdə təbliğat aparırrıq ki, azarkeşlərin sayı çoxalsın və komanda oyuna yaxşı motivasiya ola bilsin. Ona görə də dünən komandanın sonuncu məşqinə getmişdik. Sağ olsunlar hətta bizim üçün qapalı məşqi də izləməyə imkan yaratdılar. Komandaya inam var. Zədəlilər mövcuddu. Fikirləşirirk ki, yeni transferlər lazımdı. Yəqin ki, qrup mərhələsinə düşsələr özləri o barədə fikirləşəcəklər. Bu heyət Azərbaycan çempionatı üçün yetərlidi. Amma Avroliqanın qrup mərhələsində transfer lazım olacaq. Düzdü hazırkı heyət "Şerif"i keçmək gücünə malikdi. Bununla yanaşı əskiklərimiz də var. Dani, Miçel yoxdu. Futbolçular aqressiv çıxış etsələr "Şerif"i məğlub edəcəyimizə inanırıq".

Azarkeş qrupunun rəhbəri heç kimdən dəstək almadıqlarını da bildirdi: "Başqa heç bir azarkeş qruplarından dəstək almamışıq. Bunun səbəbi odu ki, onlar da fərqli fikirləşirlər. Ona görə də dəstək almaqdansa sıravi azarkeşin gəlməsi daha yaxşıdı. Çünki azarkeş qrupları "Qarabağ" uğur qazansa və qrupa düşsə oyuna gəlmək istəyəcəklər. Say tərkibimiz az olduğuna 2-3 il əvvəl bu praktikadan istifadə edirdik. Digər azarkeş qrupları "İmarət tayfa" adı altında stadiona gəlirdilər. Amma indi buna ehtiyac yoxdu. Yəqin özünüz də müşahidə edirsiz ki, bizim sektorda hərəkətlər sinxronlaşıb. Arzumuz istəyimiz odu ki, ölkə futbolu inkişaf etsin. Azarkeşlər arasında təbliğat aparırıq. Reytinqimizin aşağı düşməməsi üçün "Qarabağ"ın turu keçməsini istəyirik. İndi hamı axşamkı oyuna köklənib. Azarkeşlərdə də həyəcan var. Digər oyunlardan fərqli BATE ilə matçda daha yaxşı çıxış etmişdik. Amma şans bizdən yana olmadı. Hətta qələbəyə məhz "Qarabağ" layiq idi. BATE çox zəif idi, müdafiələrində boşluqlar vardı. Sadəcə, Emeqaranın qırmızı vərəqə alması, Mahirin topla boş davranması və başqa fərdi səhvlər mane oldu. İnşallah bu gün elə olmaz. Təbii ki, "Şerif" də fərdi, keyfiyyət baxımından bizdən aşağı səviyyədə futbol oynayır. BATE ilə müəyyən oxşarlıqları var. Xüsusən də müdafiə olunmaq baxımından.  "Qarabağ"da taktika var. Şans amili də rol oynayır. Dualarımız odu ki, şans bizdən yana olsun. Avropada Azərbaycanı layiqincə təmsil edək".