"İnter" ötən mövsüm Bundesliqada oynamış klubla qarşılaşacaq - ÖZƏL

 
"İnter"in Antalya toplanışı haqda xəbər vermişdik. Xatırlatma üçün deyək ki, "bankirlər" yanvarın 2-də Türkiyəyə yollanacaq və həmin ayın 24-də vətənə qayıdacaq.

Komanda orda olduğu müddətdə 6 yoxlama oyunu keçirəcək. Artıq Sport7.az saytı bu komandalardan birinin adını müəyyənləşdirib. Bu, ötən mövsüm 2-ci Bundesliqada çıxış etmiş, lakin çempionatı XVIII pillədə tamamladığı üçün 3-cü Liqaya düşmüş "Energi Kotbus"dur. Almaniya klubu hazırda V pillədədir və yenidən 2-ci Bundesliqaya qayıtmaq şansları var.

Qeyd edək ki, "Energi Kotbus" daha əvvəllər də Bakı klubları ilə yoxlama oyunları keçirib. Kotbus təmsilçisi 2008-ci ilin yanvarın 17-də "Bakı"nı 1:0 hesabı ilə məğlub edib. Ötən ilin iyulun 3-də isə "Neftçi" üzərində 2:0 hesablı qələbə qazanılıb. 

Sport7.az

OXŞAR XƏBƏRLƏR

XƏBƏRLƏR
BLOGLAR