İraq millisi Bakıda məşq edir – VİDEO

İraq millisi Bakıda məşq edir – VİDEO
Ağır atletika üzrə İraq yığma komandası Azərbaycan Ağır Atletika Federasiyasının mərkəzi məşq bazası olan AAAF Park Yaşayış Kompleksində təlim-məşq toplanışına başlayıb.
 
Sport7.az
xəbər verir ki, qonaq milli ən azı iki həftə ölkəmizdə qalmağı planlaşdırır.

Bakıya yığma komandanın əsas heyət üzvləri ilə gələn iraqlılar, qarşıdakı qitə və dünya səviyyəli yarışlara intensiv məşqlərlə daha yaxşı hazırlıq keçmək niyyətindədirlər. Bunun üçün yaradılan şərait gərəkən planı həyata keçirməyə imkan verir. Bunu İraq millisinin məşqçilər heyəti də təsdiqləyib.
 
Qeyd olunub ki, burada məşq, qidalanma, bərpa və istirahət üçün bütün infrastruktur qurulub, heç bir problem yoxdur.
Bu, İraq millisinin ölkəmizdəki sayca ikinci toplanışıdır. Buna qədər, müxtəlif vaxtlarda Səudiyyə Ərəbistanı, Oman, Misir və Mərakeş yığma komandaları da təlim-məşq toplanışı üçün Azərbaycanı seçmişdilər.  
 

 

Xəbər lenti