Kostova Türkiyədə qalib oldu

Kostova Türkiyədə qalib oldu

Noyabrın 14-17-si tarixlərində Türkiyənin Qaziantep şəhərində keçirilən ağır atletika üzrə üçqat Olimpiya çempionu Naim Süleymanoğlunun xatirəsinə həsr olunmuş beynəlxalq turnir davam edir.
 
Sport7.az xəbər verir ki, 2020-ci il Tokio Olimpiya Oyunların gümüş səviyyəli lisenziya xarakterli olan bu yarışda 20-dən çox ölkədən 80-ə yaxın atlet çıxış edir. Onların arasında Azərbaycan yığmasının üzvləri də var. Baş məşqçi Asif Məmmədovun rəhbərliyi altında Səbinə Əzimova (55 kq), Boyanka Kostova (59 kq), Füqan Əliyev (81 kq) və Tarmenxan Babayev (96 kq) körpücük üzərinə çıxacaqlar.

Onlardan Boyanka Kostova qüvvəsini sınayıb. O, qadınlarda 59 kq çəki dərəcəsində yarışıb. Təcrübəli atletimiz uğurlu çıxışla yadda qalıb. Kostova toplam 219 kq (95+124) nəticə ilə bütün rəqiblərini qabaqlayıb və turnirin qalibi adını qazanıb.
 
Sport7.az

OXŞAR XƏBƏRLƏR

XƏBƏRLƏR
BLOGLAR