Sport7.az futbolçunun müsahibəsini təqdim edir:

- Meydança süni ot örtüklü idi. Buna baxmayaraq, oyundan əvvəl hansı şərtlər altında oynayacağımızı bilirdik. Ona görə də özümüzü buna hazırlamışdıq. Baş məşqçimiz Qurban Qurbanov da matçdan qabaq nəyisə bəhanə etmədən meydana çıxıb mübarizə aparmağımızı tapşırmışdı. Bu gün buradan qələbə ilə qayıtmalı idik. Oyun çox çətin keçdi. Amma istədiyimiz nəticəni əldə edə bildik.

- (gülür) Rəqiblə baş-başa toqquşduq. Qaşıma 2 tikiş atılıb, ciddi bir şey yoxdur.

- Maksimum dərəcədə dincəlməyə çalışacağıq. Baş məşqçimiz təyyarədə də bacardığımız qədər dincəlməli olduğumuzu deyib. Bakıda da bərpa olmaq üçün vaxtımız olacaq. Bacardığımız qədər Malta ilə oyuna hazır olacağıq. Doğma meydanda da qələbə qazanıb, azarkeşlərimizi sevindirmək istəyirik.

- Daha çox süni meydanda oynamağın oyunumuza təsiri oldu. Çünki baş məşqçimiz burada bizə dincəlmək üçün kifayət qədər vaxt vermişdi. Matçaqədər oynayacağımız topu da dəyişdilər. Biz başqa top ilə məşq etmişdik. Bu amillər oyunumuza təsir etdi.

- Baş məşqçimiz bizə həmişə növbəti oyunu düşünməyimizi deyir. Qarşıda Malta ilə oyunumz var. Həmin oyunda var gücümüzü istifadə edib, qələbə qazanmaq və növbəti oyuna hazırlaşmaq barədə fikirləşirik. (Report.az)