Mahmud Qurbanov: "Yığmadan belə şeylər gözləmirəm"

Mahmud Qurbanov:
Veteran futbolçu, hazırda "Neftçi"nin əvəzedicilərini çalışdıran Mahmud Qurbanov yığmamızın oyunları ilə bağlı fikirlərini bölüşüb.

Vaxtilə yığmada köməkçi məşqçi kimi çalışmış Mahmud bəy Sport7.az-a açıqlamasında şansları belə dəyərləndirib: "Yığmamızdan qələbə və qrup mərhələsini birinci yerdə bitirməsini gözləyirəm. Həm Farer Adaları, həm də səfərdə Malta ilə oyunlarda uğurlu nəticə qazanacağını gözləyirəm. Yığma hər iki oyunda qələbə qazanmaq gücündədi. Qələbə gözləyirəmsə deməli şanslarımız böyükdü. Dildə digər rəqiblərimizdən güclü sayıldığımızı deyə bilərik. Amma hər şey meydanda həll olunur. Oyunlar da çətin keçir. Bütün yığmaların şansı var deyə, bacardıqlarından da artığını etməyə çalışır".

Maraqlıdı, Mahmud bəyin fikrincə yığma bu gün Farer Adaları ilə baş tutacaq səfər matçında necə oynamalıdı?: "Bu haqda nəsə deyə bilmərəm. Yığmanın baş məşqçisi var. Ümumiyyətlə bu barədə danışmaq istəməzdim. Kimin necə oynayacağını baş məşqçi dəqiqləşdirir. Şansımız həmişə var. Bu oyunda məğlub olsaq və al itirsən nə baş verəcəyini demək çətindi. Çünki yığmadan belə şeylər gözləmirəm. Səmimi deyirəm, qələbə düşünürəm".

Sport7.az

Xəbər lenti