Sport7.az xəbər verir ki, 30 yaşlı futbolçu Argentina yığması ilə birlikdə özünü heç gözləmədiyi bir yerdə tapıb. Belə ki, Messi Argentina yığması ilə birlikdə "Barselona"nın əzəli rəqibi olan "Real"ın "Valdebebas" adlanan bazasında məşqə çıxıb.

 

"Tanqoçular" sabah yoldaşlıq görüşü çərçivəsində İspaniya yığmasının qonağı olacaq. 2018-ci ildə keçiriləcək dünya çempionatına hazırlaşan iki nəhəng yığma "Atletiko"nun "Vanda Metropolitano" stadionunda qarşı-qarşıya gələcək. Bu matça hazırlıq məqsədilə Argentina yığmasının "Vanda Metropolitano"nu deyil, "Real"ın bazasını seçməsi ortaya maraqlı görüntü çıxarıb. 

 

ARgentina Futbol Federasiyası "Real"ın bazasını seçdiyi üçün Messi də məcburən məşqlərini orda etməli olub. Baş məşqçi Xorxe Sampaolinin rəhbərliyi altında Messi bir ilkə imza ataraq "El Klasiko"dakı əzəli rəqibin məşq meydançasına ayaq basıb. Bu da zarafatla "Messi "Real"da" və "Messi "Real"da məşqlərə başladı" kimi fikirlərin söylənilməsinə yol açıb. Zarafatlardan biri də hər il "Ballon Dor"da yarışdığı əzəli rəqibi Kristiano Ronaldo ilə bağlı olub. "Real"ın bazasına getmişkən paltardəyişmə otağında Ronaldonun şkafına baxmış ola bilər şərhləri də diqqət çəkib.  

 

Argentina yığması "Valdebebas"da ilk məşqini şənbə günü keçirsə də Messi oteldə qalaraq fərdi şəkildə çalışmışdı. Amma ulduz futbolçu bazar günü meydançaya ayaq basıb. Yüngül zədəsi olan Messi İtaliya ilə matçda meydana çıxmasa da İspaniya qarşısında oynayacağı bildirilir.