Messi yalnız bir şərtlə

Messi yalnız bir şərtlə "Barselona"da qalacaq - ŞOK tələb

"Barselona”nın superulduzu Lionel Messi klubda yalnız braziliyalı hücumçu, hazırda PSJ-də çıxış edən Neymarın qayıdışı şərti ilə qalmağa hazırdır.

Sport7.az xəbər verir ki, bu barədə İspaniya mətbuatı yazıb. İddialara görə argentinalı klubda özünü pis hiss edir. Komandanın nəticələri, həmçinin dostluq münasibətlərinin olduğu Ernesto Valverdenin istefası onu razı salmır. Messini klubda qalmağa razı salacaq yeganə məsələ 2013-cü ildən 2017-ci ilə qədər birlikdə oynadığı Neymarın komandaya qayıdışı ola bilər.

"Barselona"nın yetirməsi olan Messi 2001-ci ildən Katalon klubunda çıxış edir. Onun klubla müqaviləsi 2021-ci ilin 30 iyununa qədər nəzərdə tutulub. Neymar PSJ-yə 2017-ci ilin yayında "Barselona”dan 222 milyon avro müqabilində keçib. Braziliyalı ötən ilin yayında geri qayıtmağa cəhd edib, ancaq klublar sazişin maliyyə şərtləri haqqında razılığa gələ bilməyiblər.
 
Sport7.az

OXŞAR XƏBƏRLƏR

XƏBƏRLƏR
BLOGLAR