"Neftçi"nin legioneri: "Yeni ili ailəmlə birlikdə keçirmək istəyirəm"

05 Dekabr 2018, 21:59
05 Dekabr
2018
21:59
108
"Neftçi" klubunun müdafiəçisi Anton Krivotsyuk klubun rəsmi saytının suallarını cavablandırıb.

Sport7.az həmin müsahibəni təqdim edir: 

- Azərbaycan Premyer Liqasının XIV turunda "Sumqayıt”la qarşılaşacaqsınız. Bu oyuna hazırlıq necə keçir?

- Digər oyunlara olduğu kimi, "Sumqayıt”la matça da hazırlıq tam sürətlə davam edir.

- Artıq qış çempionusunuz...

- Bəli. Amma qış çempionu olmaq daha çox o baxımdan əhəmiyyətlidir ki, mənə və komanda yoldaşlarıma təzyiq azalır.

- Bu mövsüm artıq iki dəfə rəqib qapılarından top keçirmisiniz...

- Bəli. Heç vaxt bu qədər çox qol vurmamışdım... (gülür)

- Hiss edirsinizmi ki, oyununuzu daha da yaxşılaşdırmısınız?

- Hələ ki, hiss etmirəm. Deməli, az çalışmışam. Daha da çox işləmək lazımdır.

- "Sumqayıt” komandası haqqında nə deyə bilərsiniz?

- Bu komanda hələ nəyə qadir olduğunu göstərməyib. "Sumqayıt” oyundan-oyuna daha da inamlı çıxış edir.

- Yeni ili harada keçirmək istəyirsiniz?

- "Sumqayıt”la oyunu başa vuraq, sonra bu barədə düşünmək olar. Yeni il ərəfəsində həmişə bayram əhval-ruhiyyəsində oluram. Bayramı harada qeyd edəcəyimi hələ bilmirəm. Amma bir şey dəqiqdir ki, Yeni ili ailəmlə birlikdə keçirmək istəyirəm.
 
Sport7.az

Digər xəbərlər

Xəbər lenti

BÜTÜN XƏBƏRLƏR