Olimpiya çempionumuz finalda uduzdu

Olimpiya çempionumuz finalda uduzdu
Bu gün Rio 2016 Yay Olimpiya Oyunlarının sonuncu günündə Toğrul Əsgərov da mübarizəyə qoşulacaq.

Sport7.az
xəbər verir ki, Toğrul Əsgərovun adını tarixə yazdırmaq şansı var. Olimpiya çempionu Toğrul Əsgərovun ilk görüşü saat 15:54-də başlayacaq. Onun 1/8 finala təsadüf edəcək qarşılaşmada rəqibi ukraynalı Andrey Kvyatkovski olacaq.


London Olimpiadasının, Avropa çempionatının və Avropa Oyunlarının qalibi olan Toğrul Əsgərov yarışa 1/8 finaldan başlayıb. Onun ilk rəqibi ukraynalı Andrey Kvyatovski olub. Rəqibini 12:2 hesabı ilə - vaxtından əvvəl məğlub edən Əsgərov 1/4 finala yüksəlib. Bu mərhələdə Əsgərov ABŞ təmsilçisi Frenk Molinaro ilə qarşılaşacaq. Bu görüşün Bakı vaxtı ilə 16:34-də start götürməsi nəzərdə tutulub. 

Amerikalı rəqibini vaxtından əvvəl  - 10:0 hesabı ilə məğlub edən Əsgərov yarımfinala yüksəlib. Finala gedən yolda olimpiya çempionumuz italiyalı Frank Çamiso ilə üz-üzə gəlib. Bu dəfə 7:4 hesabı ilə qələbə qazanan olimpiya çempionumuz finala vəsiqə qazanıb. Həlledici görüşdə Əsgərovun rəqibi rusiyalı Soslan Ramonov olacaq. Final görüşünün Bakı vaxtı ilə 21:15-də başlaması nəzərdə tutulub. 

Əsgərov həlledici görüşdə  rusiyalı Soslan Ramonova uduzaraq (0:10) gümüş medal qazanıb.

Sport7.az

Xəbər lenti