"Qarabağ" onilliyin çempionları arasında

Onilliyin ən çox çempion olan klublarının siyahısı açıqlanıb.

Sport7.az xəbər verir ki, Beynəlxalq Futbol Tarixi və Statistikaları Federasiyası (İFFHS) 2011-20-ci illərdə öz ölkəsində ən azı 5 dəfə qızıl medal qazanan komandaların cədvəlini tərtib edib. Siyahının lideri "Real Esteli” klubudur. Ardıcıl 10 il Nikaraqua çempionu olan komanda hesabat dövründə bütün qızıl medallara yiyələnib.

6 komanda onillikdə 9 çempionluq yaşayıb. Buna İtaliyada "Yuventus”, Şotlandiyada "Seltik”, Xorvatiyada Zaqreb "Dinamo”su, Bolqarıstanda "Lüdoqorets”, Kuk adalarında "Tupapa”, Belizdə "Bandits” nail olub. 14 komanda isə bu müddətdə 8 çempionluq yaşayıb.

Dünyanın 118 çempionunun yer aldığı siyahıda "Qarabağ” da var. Son 10 ildə 7 dəfə Azərbaycan çempionu olan Ağdam təmsilçisi 22-42-ci yerləri bölüşür.

Planetin 21 komandasından geri qalan Qurban Qurbanovun yetirmələri eyni göstəriciyə malik olan "21-lik”dədir. "Qarabağ”ın şərikləri sırasında "Bazel” (İsveçrə), PSJ (Fransa), "Maribor” (Sloveniya), "Düdelanj” (Lüksemburq), "Əl-Əhli” (Misir) kimi klublar da var.

Keçmiş SSRİ təmsilçilərindən "Şaxtyor” (Ukrayna), BATE (Belarus), "İstiqlol” (Tacikistan) və "Şerif”(Moldova) daha çox – 8 dəfə qızıl medal qazanıb. "Altın Asır” (Türkmənistan) isə "Qarabağ”la eyni göstəriciyə malikdir. 5 dəfə Türkiyə çempionu olan "Qalatasaray”ın da adı siyahıya düşüb. İstanbullular 65-118-ci yerləri bölüşür.
 
Sport7.az

OXŞAR XƏBƏRLƏR

XƏBƏRLƏR
BLOGLAR