“Qarabağ” üçün ən çətin şey o dövrdə yaşadığımız eyni zehniyyətə sahib olmaqdı

“Qarabağ” üçün ən çətin şey o dövrdə yaşadığımız eyni zehniyyətə sahib olmaqdı" - Gerye

"Neftçi”nin futbolçusu Donald Gerye Fransa mətbuatına müsahibə verib.
 
Sport7.az xəbər verir ki, Gerye, bunları söyləyib:

- Donald, özünüz və karyeranız haqqında danışa bilərsiz?
 
- Mən haitiliyəm. Karyerama Haitinin "Violette”klubunda başlamışam. Daha sonra ölkəmdə "America des Cayes”də çıxış etmişəm. Orda isə Polşanın "Visla” (Krakov) klubuna keçmişəm. Orda 4 il oynadım. 77 oyun keçirdim və 20 qol vurdum. Azərbaycana getməzdən öncə "Alanyaspor” üçün Türkiyəyə getdim. "Qarabağ”da cinahda və mərkəzdə çoxlu oyunlar keçirdim. Orda 6 qola imza atdım. "Qarabağ”la müqaviləm başa çatdı və "Nefçti”yə keçdim.

- "Visla”dakı vaxtlarınızdan ötrü darıxırsızmı?
 
- Bəli (gülür). Hər şeydən ötrü darıxıram. Həmin vaxt gənc idim. Hələ bilmədiyim şeylər var idi. Böyüdüm və "Visla” haqqında öyrəndim. Azarkeşlərdən ötrü çox darıxıram. Qışqırdıqları zaman oyuna təsir edirdilər. Hamısından ötrü darıxıram.

- Bu zamanlardan ən yaxşı xatirəniz nədi?
 
- "Korona”ya qarşı möhtəşəm bir oyun. 35 metrdən qol vurdum. Qol vurandan sonra insanları təəccübləndirdim və çox da sevinmədim. Əvvəllər də gözəl qollar vurmuşdum. Düşünürdüm ki, yeniləri də olacaq.

- Haitidən Polşaya getmək elə də çox rast gəlinən hal deyil. Avropada ilk təcrübəniz necə oldu?
 
- Mən sahildəki bir şəhərdə – "America des Cayes”də oynamışam. Cayes Haitidə üçüncü böyük şəhərdi. Bura Porta Piment kimi kiçik bir şəhərdən gəlmişəm. İspaniyaya qarşı yoldaşlıq oyunu keçirmişdik. Hər kəs rəqibin bizi çox məyus edəcəyini düşündü. Amma elə olmadı, 1:2 hesabı ilə uduzduq və mən qol vurdum. Bu qoldan sonra təklif aldım, "Vilsa”nı seçdim. Ora oynamaq və inkişaf etmək üçün getdim. Pulu düşünmədim. Daha çox pul təklif edən klublar var idi. Ancaq mənə tutarlı oyun vaxtı vəd etmədilər.

- Çıxış etdiyiniz ölkələrin futbolundakı fərq nədi?
 
- Böyük fərq var. Polşada əsasən fiziki oyuna üstünlük verilir. Azərbaycanda isə "Qarabağ”ı nümunə kimi götürsək, bu komanda topla gözəl oynayan yaxşı komandadı. Fərq budu. Hətta mən "Qarabağ”la Çempionlar Liqasının qrup mərhələsində oynasam da, Polşa çempionatı Azərbaycan Premyer Liqasından daha yüksək səviyyədədi.

- Sizin agentiniz var?
 
- Əvvəllər bir agentim olub. İndi isə təkəm. Agent mənə müqavilə təklif etdikdə, o, öz faizini, mən də öz payımı götürürəm. Agent sizinlə bir sövdələşmə
edə bilər. Ancaq siz heç də hər şeyi mütləq bilmirsiz. Yəni mütləq ağıllı deyilsiz.

- Azərbaycanda sizi necə qarşıladılar?
 
- Azərbaycanda "Qarabağ”ın baş məşqçisi Qurban Qurbanov kimi sadə vətəndaşlar da məni salamladılar. Qurban Qurbanov yaxşı məşqçidi.

- Qurban Qurbanov haqda daha çox məlumat verə bilərsiz?
 
- Yaxşı insan, yaxşı məşqçidi. Onun xarakteri var. O, futbolçular üçün ata kimidi. Hər zaman oyunçuların yanındadı. Onun sayəsində Azərbaycanda uğur qazandım. Azərbaycan Premyer Liqasında ən yaxşı əcnəbi sol cinah müdafiəçisi kimi tanındım. Qurbanov məni çox çalışdırdı. Nə əldə etmişəmsə, ona borcluyam. Yadımdadı, "Qarabağ”a transfer olanda mənə demişdi: "Mənə qulaq assan və kömək etsən, mən də sənə kömək edəcəm”. O, haqlı idi.

- "Neftçi”də Fransa əsilli futbolçular çoxdu…
 
- Bəli, Soni Mustivar Haitidəndi. Mamadu Mbodj, Stiven Josef-Monroz və Baqali Dabo. Paltardəyişmə otağında musiqinin qayğısına qalırıq. Məşqlərdə musiqi dinləmək üçün səsgücləndirici gətirirəm. Oyunlar zamanı isə bu işə Monroz nəzarət edir. Hər kəsin öz rolu var. Mən bura gəldiyim ilk vaxtlarda, paltardəyişmə otağında, idman zallarında musiqi yox idi. Baş məşqçinin yanına getdim və musiqinin onu narahat edib-etmədiyini soruşdum. Musiqisiz həyat yoxdu.

- Klubda necə danışırsız?
 
- Klubda bir tərəfdə fransız, digər tərəfdə isə rus dilində danışanlar var. Ruslar ingilis dilində bilmirlər, yalnız türk və Azərbaycan dilində danışırlar.

- Komandanın məqsədləri nədi?
 
- Çempion olmaq və Avropada ön pillələrdə oynamaq istəyirik.

- Çempionlar Liqasında necə oynadız? Daha tez-tez oynamaq üçün nəyə ehtiyacınız var?
 
- Bu gün "Qarabağ” üçün ən çətin şey o dövrdə yaşadığımız eyni zehniyyətə sahib olmaqdı. İndi oynayan oyunçular sona qədər mübarizə aparmalıdırlar. Biz səfərdə oynayanda "qalib gəl” və ya "heç-heçə et” deyilirdi. Ancaq səfərdə məğlub olmaq istəmirdik. "Neftçi”də idman direktoru ilə görüşdüm ki, fikirlərimi ona izah edim. Məni başa düşdü. Mən sadəcə bir şey üçün buradayam: qazanmaq üçün! Hər kəsdən soruşa bilərsiz, məşqdə hər şey edirəm. Məşqdəkiləri oyunda reallaşdırırıq. Məşqdə əylənmək üçün orda olmuram.

- "Qarabağ”dan sonra niyə "Neftçi”yə keçdiz?
 
- Təkliflərim çox idi. Türkiyə, Fransa, Yunanıstan, Tailand, hətta MLS-dən də təklif oldu. İsveçrə "Sürix”inə keçməyə yaxın idim. Amma rəhbərlər mənim gözləməyimi, gözləməyimi və yenidən gözləməyimi istədi. Təhlükəsiz bir şey istədim və "Neftçi”ni seçdim.

- Niyə 77 nömrəni seçdiz?
 
- "America des Cayes”də 7 nömrəli formanı geyinmişəm. Bu mənim ən sevdiyim nömrədi. Sonra "Visla”da bu nömrəni istədim. Bu Polşa təmsilçisinin əfsanəni futbolçusu Radoslav Sobolevskinin nömrəsidi. Beləliklə 77-ni götürdüm. Bu nömrə ilə 77 oyun keçirdim və 20 qol vurdum. Buna görə də, Türkiyədə başladığım "77 Donald Guerrier” forma kolleksiyası saxlamağa qərar verdim.
 
Sport7.az

OXŞAR XƏBƏRLƏR

XƏBƏRLƏR
BLOGLAR