Sabunçuda

Sabunçuda "Bayraq günü" ilə əlaqədar veloyürüş keçirilib

Sabunçu rayonu Nardaran qəsəbəsində 9 noyabr – Dövlət Bayrağı Günü münasibətilə "Bayrağımızı qoruyaq” devizi altında veloyürüş keçirilib.

Sport7.az xəbər verri ki, Sabunçu Rayon İcra Hakimiyyəti, rayon Gənclər və İdman İdarəsi və Azərbaycan Velosiped İdmanı Federasiyasının birgə təşkilatçılığı ilə keçirilən yürüşdə 300-dən çox yeniyetmə və gənc iştirak edib.

Tədbirdə əvvəlcə Azərbaycan Respublikasının dövlət himni səsləndirilib və məktəblilərin paradı olub. Start və finiş nöqtəsi Nardaran Mədəniyyət Mərkəzinin qarşısında olan veloyürüş zamanı iştirakçılar qəsəbənin küçələri ilə dövrə vurublar.

Tədbirin təşkilində əsas məqsəd Dövlət Bayrağı Gününü qeyd etməklə yanaşı, sağlam həyat tərzinin təbliği, gənclərin asudə vaxtlarının səmərəli təşkili və velosiped idmanına marağın artırılmasıdır.
 
Sport7.az

OXŞAR XƏBƏRLƏR

XƏBƏRLƏR
BLOGLAR