Sadiq Quliyevin yeni klubu müəyyənləşdi

Sadiq Quliyevin yeni klubu müəyyənləşdi

2019-2020-ci illər mövsümünün transfer çalışmalarını davam etdirən "Qəbələ” heyətinə daha bir futbolçu qatıb.
 
Sport7.az xəbər verir ki, "Qırmızı-qaralar” Sadiq Quliyevlə 1 illik müqavilə imzalayıb. "Qəbələ” Futbol Akademiyasının yetirməsi olan 24 yaşlı müdafiəçi 2020-ci ilə qədər komandamızın formasını geyinəcək.

Sadiqin Premyer Liqada ilk klubu "Qəbələ” olub. O, 2012-15-ci illərdə, həmçinin 2016/17 mövsümündə "qırmızı-qara” forma geyinib. Müdafiəçi bu müddətdə 13 çempionat, 3 kubok və 1 avrokubok matçında iştirak edib. "Qəbələ”dən başqa yalnız "Zirə”də çıxış edən Sadiq 2015/16 mövsümündə və 2016-19-cu illərdə paytaxt təmsilçisində çıxış edib. O, Premyer Liqada ümumilikdə 74 oyun keçirib. Müdafiəçi Azərbaycanın U-17, U-19, U-21 və U-23 yığmalarının da heyətində forma geyinib.
 
"Qəbələ” bunadək Kamal Mirzəyevlə müqavilə imzalayıb.
 
Sport7.az

OXŞAR XƏBƏRLƏR

XƏBƏRLƏR
BLOGLAR