Sport7.az xəbər verir ki, "Arsenal"ın futbolçusu Aleksis Sançes "Mançester Yunayted"ə, "Qırmızı Şeytanlar"ın erməni üzvü Henrix Mxitaryan isə "Topçular"a transfer olundu. Dolayısı ilə ölkənin iki nəhəng komandası futbolçularını dəyişdilər.

 

Amma bu dəyişiklilə əlaqədar çilili futbolçunun son danışıqlar üçün Londondan Mançesterə getməsi onun başını ağrıdacaq. Çünki ötən həftənin əvvəlində "Arsenal"ın məşqinə dopinq yoxlaması üzrə mütəxəssislər gəlib. Futbolçulardan, o cümlədən, Sançesdən də qan nümunələri götürülməli idi. "Arsenal"ın bildirişində Aleksisin də həmin gün məşqdə olacağı yazılmışdı. Amma futbolçu Mançesterə gedəndən sonra bildirişdə dəyişiklik olunmayıb. 

 

Dopoinq üzrə mütəxəssislər isə onu məşqdə tapmayınca raport yazıblar. Başqa sözlə desək çilili futbolçu bu transferin gerçəkləşməsi sırasında dopinq qaydalarını tapdalamış olub. 

 

İndi həm Aleksis Sançes, həm də "Arsenal" və "Mançester Yunayted" rəsmiləri qaçırılan dopinq testinə görə özlərini müdafiə etməli olacaqlar.