"Sumqayıt"ın baş məşqçisi: "Qarabağ"a qarşı səhv etmək olmaz"

"Öncə "Qarabağ"ı Ağdamın qayıtması üçün təbrik edirəm. Bütün Azərbaycan üçün bayramdılr. Ümid edirəm ki, gələn il "İmarət"də oynayarıq"

Bunu "Sumqayıt"ın baş məşqçisi Ayxan Abbasov Azərbaycan Premyer Liqasının X turunda səfərdə "Qarabağ"a 1:6 hesabı ilə uduzduqları oyundan sonra keçirilən mətbuat konfransında deyib.

39 yaşlı mütəxəssis komandada yorğunluq olduğunu bildirib: "Milli komandalarda oyunçularımız var idi. Bir çox yorğun idi. "Qarabağ"ın gücü bəllidir. Digər komandalardan fərqlidir. Onlara qarşı səhv etmək olmaz. Bu iki komandanı müqayisə etmək düzgün deyil. Belə məğlubiyyət istəməzdik. Təslim olmaq istəmirik. Qışa qədər maksimum xal yığmalıyıq. Məğlubiyyəti unudub "Qəbələ" ilə matça hazırlaşırıq".

Baş məşqçi zədədən qayıdan qapıçı Mehdi Cənnətovun səhvlərinə də toxunub: "Onu qapıda görmək təəccüblü olmamalıdır. Çünki əsas qapıçımızdır. Hər oyunçu səhv edə bilər. Bu gün tək qolkiper yox, hamı zəif oynadı"

Abbasov məğlubiyyəti arxayınlıqla əlaqələındirmədiyini deyib: Çünki buna səbəb yoxdur. Konsentrasiyamız aşağı idi. İlk 15-20 dəqiqədə pis oynamadıq. Çempionat elə gedir ki, hər şey ola bilər. Bu gün bizim günümüz deyildi".

Meydanın ağır olduğunu söyləyib: "Bizim üçün hər itki çətinlik yaradır. Çünki alternativimiz yoxdur. Bunu əvvəldən də demişəm. Biz bu riski alıb çempionata başlamışıq. Təbii ki, bütün addımlar büdcəyə uyğun atılıb. Fasilədən sonra bizə 2 hücumçu lazımdır. İndi kimi gəldi götürmək istəyirik. Açığı, elə bir hücumçu da yoxdur. Əli Qurbani bizim üçün ciddi itkidir". (Report.az)
 
Sport7.az

OXŞAR XƏBƏRLƏR

XƏBƏRLƏR
BLOGLAR