UEFA-dan ermənilərə cəza gəldi

UEFA-dan ermənilərə cəza gəldi

UEFA Ermənistan Futbol Federasiyasını 10 min avro məbləğində cərimələyib.

Sport7.az xəbər verir ki, buna yığmanın Estoniyanın paytaxtı Tallində koronavirusla əlaqədar karantin qaydalarını pozması səbəb olub.

UEFA Millətlər Liqasında Estoniya ilə görüşdən əvvəl Ermənistan millisinin futbolçuları və məşqçi heyəti erməni kilsəsinə baş çəkib. Bundan bir gün əvvəl isə komandanın rəsmilərindən birinin COVID-19 testi müsbət çıxıb. UEFA-nın "Return to Play Protocol" koronavirus qaydalarına əsasən, komanda üzvləri xüsusi hallar istisna olmaqla, oteli tərk edə bilməzlər.

Cərimə 90 gün müddətində ödənilməlidir.

Qeyd edək ki, Estoniya - Ermənistan matçında qalib müəyyənləşməyib - 1:1.
 
Sport7.az

OXŞAR XƏBƏRLƏR

XƏBƏRLƏR
BLOGLAR