UEFA “Qarbağ”ın rəqibinə rədd cavabı verdi

UEFA “Qarbağ”ın rəqibinə rədd cavabı verdi

Avropa Liqasının qrup mərhələsində "Qarabağ"ın rəqibi "Dnepr" UEFA-ya etdiyi müraciətdən rədd cavabı alıb.

Sport7.az  xəbər verir ki, Ukraynadakı iğtişaşlar səbəbindən öz ev oyunlarını doğma Dnepropetrovskda deyil, Kiyevdə keçirməli olan klub paytaxtda arzu edilən tamaşaçı marağı ilə qarşılaşmadığından, son turun "Sent-Etyen"lə matçını Lvovda keçirmək qərarına gəlib. Bunun üçün UEFA-ya müraciət edən ukraynalılar qurumdan müsbət cavab almayıblar. UEFA rəhbərliyi ukraynalılara qrup mərhələsi üçün yalnız bir stadiondan istifadə edə biləcəyini bildirib.

Qrupdan çıxmaq şanslarını davam etdirən "Dnepr"ə fransızlarla son görüşdə qələbə hava-su kimi lazımdı. "Dnepr"in baş məşqçisi Miron Markeviç, "Qarabağ"la Kiyevdə baş tutan və təmsilçimizin 1:0 qalib gəldiyi oyundan sonra da azarkeş marağının azlığından şikayətlənmişdi. O, oyunsonrası mətbuat konfransında tribunalarda "Qarabağ" azarkeşlərinin ukraynalılardan çox olduğunu demişdi.

OXŞAR XƏBƏRLƏR

XƏBƏRLƏR
BLOGLAR