Məşhur veteran müdafiəçi hazırda nə işlə məşğuldu?

Məşhur veteran müdafiəçi hazırda nə işlə məşğuldu?

Fransa yığmasının formasında 4 dəfə Avropa çempionatına (1996, 2000, 2004, 2008) qatılan və 2000-ci ildə komandası ilə birlikdə Avropa çempionu olan 49 yaşlı Lillian Türamın hazırda nə işlə məşğul olduğu yəqin ki, futbolsevərlərə də maraqlıdı.
 
Sport7.az xəbər verir ki, millinin heyətində 140 oyun keçirən, ölkəsində hələ də yığmada ən çox forma geymiş futbolçu ünvanına sahib olan Türam peşəkar karyerasına 1990-cı ildə "Monako"da başlayıb. Getdiyi hər komandada uzun illər forma geyinmiş sabiq müdafiəçi 6 illik "Monako" karyerasının ardından həmin vaxt A Seriyasında çıxış edən "Parma"ya keçib. 5 il "Parma"da, daha sonra eyni sayda mövsümü "Yuventus"da keçirən futbolçunun son klubu "Barselona" olub.
 
2006-cı ildə transfer olunduğu kataloniya klubunda 2 il keçirən Türam 2008-ci ildə Avropa çempionatından sonra ürəyində problem olduğu üçün karyerasını bitirib. Fransa yığmasının heyətində 3 dəfə dünya, 4 dəfə isə Avropa çempionatına qatılan veteran müdafiəçi komandası ilə qazandığı 10 qələbədən sonra AÇ tarixinin ən çox zəfər qazanan adlarındandı.
 
Futbolla vidalaşdıqdan sonra çoxyönlü karyera quran Türamın öz adını daşıyan, irqçiliklə mübarizə apardığı və ehtiyacı olan uşaqları dəstəkləyən bir təşkilatı var. Bununla yanaşı təhsil həyatını da davam etdirən və bir çox kitab yazan Türam, "İnsan elmi" sahəsində "Fəxri doktor" ünvanına da sahibdi.
 
Onun oğlu Markus Türam da özü kimi futbolçudur və hazırda Münhenqladbax "Borussiya"sında top qovur. Hücumda, cinahlarda çıxış edən Markus Fransa yığmasının AVRO-2020 üçün açıqlanan heyətinə də daxil edilib.
 

 
Sport7.az

OXŞAR XƏBƏRLƏR

XƏBƏRLƏR
BLOGLAR