Şahruddin Məhəmmədəliyev zədəsindən danışdı

Şahruddin Məhəmmədəliyev zədəsindən danışdı

Premyer Liqanın 23-cü turunda "Qarabağ"ın "Səbail”lə səfər matçının ilk hissəsində ağır zədə alan Şahruddin Məhəmmədəliyevin müalicəsi davam edir.

Sport7.az xəbər verir ki, millimizin "1 nömrə"si zədələndiyi epizod və son durumu ilə bağlı "Qarabağ"ın saytına danışıb:
 
"Həmin anda nə baş verdiyini anlamadım. Topa birinci mən çatmışdım. Ağrıdan əlimi, ayağımı hiss etmirdim. Ayağa qalxanda üzüm qan içində idi. İndi özümü pis hiss etmirəm. Təkcə başımda 25-dən artıq tikiş var. Üzümə isə 7 tikiş qoyulub. Bərpa üçün müəyyən müddət gözləməliyəm. Ümid edirəm, tezliklə tikişlər söküləcək. 
 
Həmin epizodda mənə xəsarət yetirən Amil Yunanov, "Səbail”in baş məşqçisi Aftandil Hacıyev və digər futbolçular əlaqə saxlayıb, maraqlandılar. Bu müddətdə mənə görə narahat olan və səhhətimi düşünən hər kəsə təşəkkür edirəm. İndi isə tezliklə zədəmi bərpa edib, "Qarabağ”a kömək etmək istəyirəm. Azarkeşlərimizə də minnətdaram, mənə görə narahat oldular, dəstək mesajları yazdılar. Onların sevgisi məni güclü edəcək.
 
Ümid edirəm ki, tezliklə meydana qayıdacağam”.

 

 
Sport7.az

OXŞAR XƏBƏRLƏR

XƏBƏRLƏR
BLOGLAR