UEFA Azərbaycana aprelin 7-dək vaxt verdi

UEFA Azərbaycana aprelin 7-dək vaxt verdi

AÇ-2020-ni keçirəcək ölkələr aprelin 7-nə qədər qitə futbol qurumuna oyunların azarkeşlərlə keçirilməsi ilə bağlı planları təqdim etməlidirlər.

Sport7.az xəbər verir ki, bunu qurumun koronavirus üzrə tibb məsləhətçisi Daniel Kox Almaniya mətbuatına açıqlamasında deyib.

"Hazırki vəziyyət çox risklidir. Amma azarkeşlərin stadionlara buraxılmasına icazə verən ölkələr məsuliyyət daşımalıdırlar. Aprelin 7-nə qədər bütün ölkələr planlarını UEFA-ya təqdim edəcəklər”, - deyə Kox qeyd edib.

Xatırladaq ki, bu ölkələr arasında Azərbaycan da var və aprelin 7-nə qədər AFFA matçların azarkeşlərlə keçirilməsi ilə bağlı planı UEFA-ya təqdim etməlidir.

Qeyd edək ki, 11 iyun – 11 iyul tarixlərində keçiriləcək Avro-2020-nin qrup mərhələsinin 3, 1/4 finalın isə bir oyunu Bakı Olimpiya Stadionunda keçirilməlidir.
 
Sport7.az

OXŞAR XƏBƏRLƏR

XƏBƏRLƏR
BLOGLAR